Shefi i Grupit Parlamentar të Aleancës për Ardhmërinë e Kosovës, Besnik Tahiri ka folur edhe për zgjedhjet.
Sipas tij viti 2024 edhe ashtu është vit zgjedhor, sepse në mars është votuar kjo qeveri dhe në këtë muaj hyn në vitin e katërt të mandatit dhe sipas tij në çfarëdo situate jemi në vit të zgjedhjeve.
“Kurti e kalkulon procesin zgjedhor. Ky njeri i ka pasur dy kauza politike; Vetëvendosje dhe Jo Negociata. Të dyja këto i ka shkelur”, ka thënë ai në “RTK Prime”
Ai ka theksuar, tutje, se secila parti duhet të reflektojë mbi gabimet e veta.
Duke folur për ndonjë sulm të mundshëm sikurse ai i 24 shtatorit në Banjskë, Tahiri tha se nuk presin sulm masiv.
“Ne jemi plotësisht të vetëdijshëm për armikun që e kemi. Jemi shumë fatkeq si komb që kemi të bëjmë me një armik që është shumë perfid. Rasti i 24 shtatorit tregon përfshirjen e drejtpërdrejtë të Vuçiqit dhe qeverisë së tij në sulm. Sa i përket sulmeve unë personalisht nuk pres. Kosova e ka një garancion për mbrojtje të kufirit, e ai gareancion është edhe me rezolutë të Kombeve të Bashkuara, mirëpo edhe me prezencë të trupave të KFOR-it”, ka nënvizuar Tahiri.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite